رئيس مجلسي الإدارة والتحرير
محمد الباز

حوار تخيلي "ساخر" بين إبراهيموفيتش وحسام حسن

إبراهيموفيتش و حسام
إبراهيموفيتش و حسام حسن

شهدت الساعات الأخيرة الماضية تكهنات عديدة حول هوية الصفقة المدوية التي يترقبها متابعو الدوري المصري الممتاز، في صفوف فريق بيراميدز، قبل أن يتعاقد النادي مساء اليوم، مع البيروفي الدولي كريستيان بينافينتي ناشئ ريال مدريد السابق ولاعب نادي روايال شالوروا البلجيكي.

 

وقبل التعاقد مع بنيافينتي، كانت المؤشرات كلها تتجه صوب الداهية السويدية زلاتان إبراهيموفيتش، وسط دهشة المصريين من إمكانية إتمام الصفقة، التي وصفها البعض بالخيالية والمستحيلة.

 

"الكابتن" تخيل سيناريو ساخر للحوار الذي من الممكن أن يدور بين إبراهيموفيتش وحسام حسن المدير الفني لبيراميدز لحظة وصول الأول لمران الفريق لأول مرة وتقديمه، على النحو التالي مع حفظ الألقاب وكامل الاحترام لجميع الموجودين في الحوار:

 

حسام: رحبوا يزميلكم الجديد في الفريق إبراهيموفيتش

إبرا: حد بيجيب في سيرتي.. مش خير ولا أيه

حسام: طبعا يا إبرا أنت أكيد سمعت كتير عن الدوري المصري قبل كده؟

إبرا: لا أنا نباتي الصراحة، وبحب أنام خفيف أحيانا

حسام: طب متقوليش بقى إنك متعرفش محمد صلاح

إبرا: أيه دا أنت تعرفه منين؟

حسام: شكلها كده أيامك هتبقى سودا معايا

إبرا: بتقول حاجة؟

حسام: لا بكح.. طب أخبار ميدو أيه بالنسبالك.. فاكره ولا نسيته دا كمان؟

إبرا: شكلك ليك في السهر بقى يا معلم.. أنت معاك رقمه؟

حسام: مش بقولك أيامنا سودا مع بعض

إبرا: لكن أنت عمال تسأل تسأل.. ممكن أفهم بصفتك أيه بالظبط؟

حسام: أنا عميد لاعبي العالم

إبرا: مفيش عميد غيري هنا

حسام: ومديرك الفني

إبرا ينظر إلى السما ويلعب في ذقنه: محدش صوته علي عليا بالشكل دا قبل كده؟

حسام : أنا كنت عارف من الأول إن ماتش الزمالك دا هيكون آخر ماتش ليا مع الفرقة دي.

إبرا: معنديش شك في كده

حسام: أنا عاوزك تعمل زي ما كان أحمد جمعة بيعمل مع المصري بالظبط

إبرا: جمعة؟ أنت مش قولت إن الماتش يوم خميس ؟!

حسام : سيبك من كل دا.. ماتش الخميس مع الزمالك المتصدر .. عاوزك تقطع الشبكة وتخلص عليهم وتسجل من كل الفرص اللي هتجيلك

إبرا: مش أنا اللي يتقالي الكلام دا.. وبعدين إزاي ملاقيش تيشيرت مقاسي في النادي .. انتوا مش عارفين إني جاي ولا أيه؟

إبرا: وبعدين فين الأهرامات؟ هو مش النادي اسمه بيراميدز.. هي فين بقى؟

حسام : هتتفسح لما تزهق بس عاوزينك تركز معانا عشان ماتش الخميس دا مهم جدا

إبرا: قولتلي بتلعبوا بطريقة أيه؟

حسام : 4-1-4-1 وبتتغير أحيانا لـ 4-2-3-1

إبرا: مش هتفرق.. ويلتفت حوله للاعبي الفريق ويوجه رسالة صارمة لهم: طبعا أنتوا عارفين اللي مش هيباصيلي الكورة هعمل في أيه ؟!

لاعبي بيراميدز لحسام: هو بيشتمنا يا كابتن؟

حسام ضاحكا: لا دا بيسأل على مين هيتضرب الأول.. قصدي "مين اللي هيلعب جنبه"

حسام ينادي على توأمه إبراهيم: يا إبراهيم.. الراجل د ابتاعك من النهاردة.. اتعامل معاه لحد ما تقنعه إننا عندنا ماتش مهم بعد بكرة

إبراهيم: ياااااااااه يا حسام.. يعني أنا واقف في ضهرك طول السنين اللي فاتت دي وعمري ما قصرت معاك في حاجة.. تقوم تبيعني كده علطول

حسام يبدأ مغادرة المكان إلى خارج الملعب

يفاجئه إبرا : كابتن .. مش هتتصلنا بميدو بقى؟!

ويسقط المدير الفني مغشيا عليه في الحال !!