رئيس مجلسي الإدارة والتحرير
محمد الباز

شاهد.. مهاجم الزمالك السابق يعلن اعتزاله كرة القدم

الكابتن

أعلن حسام أسامة، مهاجم الزمالك السابق، اعتزاله كرة القدم رسميا عبر حسابه الشخصي على فيس بوك.

وكتب اللاعب البالغ من العمر 34 عاما " احتراما لتاريخي واسمي فقد قررت اعتزل كرة القدم، وأنا مش مقتنع بالقرار لأنه أصعب قرار في حياتي".

وأضاف " بحب أشكر كل الأندية اللي لعبت فيها كلها والمدربين كلهم وبحب أشكر كل واحد وقف جنبي وبشكر الناس اللي موقفتش جنبي وأتمنى ربنا يعوضني في التدريب لأني اتظلمت كتير ومخدتش حقي في الكورة".

وكان حسام قد لعب مع منتخب الشباب بطولة كأس العالم التي أقيمت في هولندا عام 2005، واستهل مسيرته في قطاع الناشئين بنادي الزمالك والفريق الأول قبل أن يلعب في عدد من الأندية المصرية والعربية، ويُنهي مشواره في صفوف المريخ البورسعيدي.





رد أمير مرتضى، المشرف على الكرة بنادي الزمالك، على محمود عبدالرحيم جنش، حارس مرمى الفريق الأبيض، بعد استفسار الأخير عن عدم حصوله على مستحقاته.

وكتب أمير في تعليق على الصورة التي نشرها جنش عبر حسابه على "إنستجرام" : "أرد عليك قدام الناس علشان حقك وحقهم يعرفوا، لأنك سألتني قبل كدة ورديت عليك بيني و بينك لما جيتلك البيت، ورغم أن نظام الفريق منع الكلام في الإعلام والسوشيال ميديا بس هرد عليك".

وأضاف أمير: "لا السبب مش إصابتك طبعًا يا كابتن.. تقدر تسأل كل زمايلك في الفريق على مقدم الموسم الجديد حصلوا عليه ولا لأ!! جميع اللاعيبن باستثناء اتنين لاعيبة فقط هما اللي حصلو على المقدم علشان كان عندهم ظروف طارئة، يعني مثلًا فرجاني وبوطيب وطارق حامد ومحمود علاء والونش ومحمد حسن وزيزو وعمر السعيد وعبدالله جمعة وأوباما وغيرهم لسه مخدوش مقدم الموسم الجديد".


وتابع: "أما بالنسبة للاعيبة الجديدة (الصفقات) فالطبيعي أن يقبض المقدم مع التوقيع وفي برضه ناس لسه مقبضتش وقالو مفيش مشكلة نقبض مع زمايلنا بما إنك سألت عن السبب قدام الناس فأحب أقولك إن الشركة الراعية متأخرة في دفع مستحقات كل الأندية حتى المقاصة كانت مش هتذيع الماتش بسبب مستحقاتهم تقدر برضه تسأل زمايلك في أندية تانية باستثناء بيراميدز، و عقود الرعاية والبث التليفزيوني هي ٩٠٪  من موارد النادي".



وواصل: "كان ممكن نبيع طارق حامد أو محمود علاء أو فرجاني وندخل فلوس كتير النادي وساعتها مكانش هيكون في أزمة سيولة، بس ده كان ضد مصلحة الفريق، وكان ممكن منشتريش عواد وأبوجبل وأوناجم وبن شرقي بالمبالغ دي ونجيب بدايل أرخص و نوفر برضه فلوس، بالإضافة لمديونيات أكتر من ٥ مليون دولار على الزمالك اتدفعوا كلهم السنة دي، ومشاكل مع الفيفا عقوبتها خصم نقاط ووقف شراء وبيع لاعيبة لمدة ٣ مواسم في حالة عدم السداد وآخرها كان من يومين، عـ العموم إنت من كباتن الفريق والمفترض إنك تستحمل زي ما زمايلك مستحملين، إيه المشكلة فلوس تتأخر كام يوم!! زي ما الموسم اللي فات كنتوا بتاخدوا ٤ و٥ أضعاف المكافأت.. بتمنالك الشفاء".